ياليت عندي قلب ما عنده احساس
وياليتني في دنيتي لا مبالي
...
ياليتني بالطيب واصل للفلاس
وياليتني من هالوفا انسان خالي
...
لأن الخطا في هالزمن طيبه الناس
ولا الوفا فالحب ماله مجالي
...
كنت احسب ان الطيب مايجلب تعاس
وانه بيجلب طيب اول وتالي
...
وكنت احسب ان الوفا للحب نبراس
واثر الوفا ماهو على الحب غالي
...
ماكنت اصدق لين ما ذقت انا الكاس
وجربت مر الحب عزي لحالي
...
ياما جرح قلبي من الناس اجناس
بس ماذبحني غير جرح الغوالي
...
اطيح واقف واطرد الهم والياس
ثم ابتسم واللي جرحني قبالي
...
لجل يعرف من نوالي من انجاس
ماهزني جرحه وله ما ابالي
...
لكن جرح الحب مابعده نعاس
سهران طول الليل والدمع سالي
...
مهما تحاول تخفي الجرح بالباس
لا بد ما تتعب وتسهر ليالي
...
ماعاد باقي شي بس بين الاقواس
فراغ .. وابغى به جواب لسؤالي
...
ليه الزمن مايحتوي غير الادناس
وليه الزمن من طيبه الناس خالي
...
ليه الوفي من غدر الايام ينداس
ولا الحقير يعيش مرتاح بالي
...
هذا السوال اللي به العقل محتاس
ووبهالفراغ ... ابغى جواب لسوالي ..!
الرئيسية 
موضوع: ياليت عندي قلـــــــ♥ـــب ماعنده احساس 
الأحد أكتوبر 21, 2012 4:12 pm
