اتخذ قلبي القرار
لا تحاول تعتذرلي - ما ابيلك اعتذار
ولا تبرر لي غيابك - بعد طول الانتظار
شوفتك تكفي ولقربك - ينقلب ليلي نهار
هذا اول لكن الحين - اتخذ قلبي القرار
روح عني لاتجيني - يكفي لك بكيت عيني
وانت سالي ياضنيني - وخافقي شبيته نار
ابتعد ماعاد اريدك - يكفي الي منك صار
جيتك بقلبن يحبك - يعشقك عليك يغار
اقترب منك تبعد - تنوي عني بالفرار
كيف صاب القلب حبك - وصاح من فرقاك وثار
وانت ماهمك همومه - بعته ياهادم حلومه
صار يكره لاتلومه - انت ولعت الشرار
وغلطتي يانور عيني - ما حسنت الاختيار
لكن اسف ثم شكراً - عشقي لك كان اختبار
صحى عقلي من سباته - وفض عن عيني الغبار
حتى صار الي بنيته - فخافقي لجلك دمار
صرت اسطوره ياخدعه - وياخساره فيك دمعه
جيتني في الظلمه لمعه - وانت مخطي في المسار
وجيتك بشوقٍ بضمك - احسبك نور لمنار
احسبك يازين فرحه - او خبر بالحيل سار
جيتني وعشمت قلبي - حتى في هواك طار
ثم باعدت ونسيته - كن ما فلحظه لقيته
وضاع عمري الي قضيته - انتظر منك اعتذار