خيل سحاب الحزن بسباب فرقاك

خيل سحاب الحزن بسباب فرقاك
يلي حروف اسمك تزين هالابيات
ليلة فراقك وانكسر قلب اغلاك
هليت من عيني على الخد عبرات
اقفت ركايب فرحتي تتبع خطاك
تعبت اجر بداخل الجوف ونات
دارت بي الارض وتهاون الأفلاك
والقلب صابه بعد فرقاك صدمات
من زود همه كن به وخزالاشواك
معاد اجمع فكري وصايراشتات
حكمة قدر علي اودعك وهواك
والحظ عاندني معاك انت بالبذات
مكتوب والمكتوب سجل بالابواك
راضي ولو اخطيت جمع الحسابات
دامك بخيرٍ والوفا من سجأياك
واسمع علومك عايش في مسرات
بصبرعلى لوعة فراقك ولا انساك
وبذكريات منك تستوطن الذاات
هي سلوتي لاغااب عني محيااك
تبقى مثل ناقوس واسمعه دقات
كل الغلا والشوق من خافقي جااك
مابدله مهما حصل من معانات
لنك ملكت القلب والروح تفداك
وللحب معنى معك وبدونك اهاات
يارب يلي تسمع ادعاي يحماك
يسعدك في الدنياعلى مرالاوقات

نمرالعتيبي

●
●
●
ابداع يترنم بروعه طرحك
ربي يديم تميزك وروعه عطائك..
ادام الله علينا هذا الابداع..
وروعه طرحك المتميز ..
الله يعطيك الف عافيه ..
شكراً لك على جمال طرحك..
لروحك ارقى باقات الورد من الجوري ..
واكليل من الافندر.,,,
●
●
●